Tin ok en fuwo (#190)
Jaduong' Abila
Ajos wuod Atiga Ny'Ochola WuonAbila@jaluo.com
06-02-2000
Bedo ng'at matin ok en fuwo nimar nyathi bende nyalo puonjo wuon, kata bedo jatelo ok ochuno ni nyaka yier mana jaduong mang'ongo, ka diponi nitie rawera matimne nikare kendo oromo tayo jodongo to bende inyalo mana miye ombulu, kuom ranyisi; Orengo nodhi e od bura maduong mokwongo kaen gi higni manok ahinya, kendo en emane obedo kaka ng'at ma hike tin ahinya e od bura. To mano ne ok omone bedo jatelo. Kata obedo ni bang' ndalo manok nogoyo kuot piny ne nyamreche nikech tich ang'enge mane idwaro tiye godo.
Mar ariyo an kane achako puonjo joluo ngeche to oganda mang'eny ne ochako ng'ur ka gipenjore nito mano to oa gi kanye, en jaduong mane maok wang'eyono? An awuon ok ang'ongo ruok en mana chir kod ngwono. Sani koro ji somo wechegi nyaka jodongo ma mbas wuora kendo gipuoyo. Omiyo tin tin ok en midekre. Odidi ilunyo mana kar tinne, apuoyo bende nyalo puonjo liech.
September 30th, 2009 - 11:05
gino en adieri jothurwa
December 3rd, 2009 - 12:34
Mano to iwacho kara. To jodong’o gi be nyaka ng’eni puonj ya kumora mora. Ayie kodi jadhot!
July 9th, 2010 - 23:54
DHANO IPUONJO NYAKA THONE.
Kaka imedo bedo epiny ka ekaka imedo bedo kod puonj.Onge ngat ma ongeyo gik moko duto to kaka imedo goyo mbaka kata yudo rieko ei gik ma isomo e buge, winjo nyaka londo,yudo weche embuyi, neno tipo e piach mar wang kata kuonde fwambo kod keyo e yore ma opogore opogore. Ber ka ineno kata iwinjo gima ber manyalo kelo dongruok kata pogruok ekind oganda marua eyo maber to kik iling godo kete obed puonj ekindua wan Onagi.
Jandiko en
Odhiambo Omolo Jarongo-Kodero Bara