ALOT DEK

GIK MA DWARORE:
1. Alot dek mayom.
2. Pi maler.
3. Chak mar chieu [ma ok opoto]
4. Chumbi/ratuon/gir kado. [ok ochuno]
5. Mo mar dhiang’. [ok ochuno]

YOR TEDO DEK
1. Dond it alot mayom to KIK inga’di. [mondo kik alot bed makech.]
2. Ol pi ma oromo ei agulu/sufuria, bang’e iket e wi mach maliet.
3. Chwak pi ma yieny bang’e kaw alot inyum eiye.
4. Ti kod oliho/oludh kuon matin mar tedo alot, ka isinyo go alot seche duto ma otemo thulore malo.To KIK iloke seche duto ma ochiek. [ma temo duoko kech ne chien.]
5. Lok alot dichiel kende ka iparo ni ochiegni chiek.Med chwake mos nyaka pi rum.
6. Olie chak mondo ochwakre go kendo mos ka iduoko mach chien. Ka kado ose dok chien to inyalo ole mo mar dhiang’ mana moromo ae to ichwako kuom seche matin kende to igolo oko kendo inyalo toko chiemo ni gi kuon kata gimoro amora ma diher chame godo.

DEK MA OKWOGI

7.Bang’ ka ose chiek to inyalo mure pile ka iole chak kod mo mar dhing’ matin nyaka chieng ma ineno ka koro alot ose makore kendo mit ae to inyalo chame kaka idware.

AN BETTY NYAR SUBA.

12 thoughts on “ALOT DEK

  1. Ruth Jackline wild

    hi Betty
    i hope is every thing is fine, on my side is very fine too.
    my dear am so glad to get this page
    i like alot Dek, plz sed some to me.
    thanks i love u
    and take care

  2. odidi Muok Ja Kanjira rachuonyo

    Hi Betty
    Mano e kaka ne jaluo tedo kendo ne wadongo feet 6 kata 7 kende watek ka nyang’ Kel alot no Nairobi to inyalo loso omuom ma ngiew hummer, true
    odidi muok

  3. Alfred Owino Kamasel

    CHIEMO MOKO DOKO YATH.
    Nyikwa Ramogi kawiyi bari ndalo mang’eny to thieth nimabor kaw kifuu mar nas chuaki malokre chilo kaayo to rege bang’e ikaw ojiko ariyo mag chai ituomgo mogono kaye iole.Madhi mano oromo changi gadiera.Bende meduru chamo alote buya moloyo ring’o kidwa chamo ring’o to penj jomachon kakanelose kikichame giremo oting’o tuoche modhuro.

    An Alfred Owino wuod Nyasi jaber Maka mosenindo Marcel

  4. Alfred Owino Kamasel

    TET JOBOMA OOLOWA
    Yawa jokanyanam kownwa uru alotegi Dar Es Salaam koni uyudie omuom.koni onge kata dek katamana osuga.aliya to samoro wayodo kaa ethimbe kuom jogem kata kamano ok wan gadiera ni gin ring le mage.

    An Jakamageta wuod mosenindo Marcel Nyatado Nyasaye okrt chunye kama okwe.

  5. Lily

    Hi, have opened your page but can only understand several words, teach me dholuo, i would love to speak it.

  6. BETTY NYAR SUBA.

    Ne jowa ma joluo man oko ma digomb tedo/chamo alotegi to ok nyal yudogi, Daher mar jiwou ni dwarore ni mondo wa “empower ourselves”..(otama gi dholuo) mondo wamany yore moko ma wanyalo yudogo chiemo gi. An, kaka jowa mangeny, an mabor gi dala e achiel kuom pinje joulaya gi to achamo alotegi sani yiga mangima. Ei jikonda sani an gi dek, bo, susa (it budho), apoth, sukuma, oganda, nyanya, kitungu, majand lum, gi mamoko. Duto apidho kenda gi nyithinda ariyo gi wuongi “all from the comfort of my apartment balcony in small convinient containers”. Amor ka nyithinda sani ong’eyo kuma chiemogi aye ka thoth nyithindo to ong’eyo mana ni chiemo ya e “grocery store”. Wadhi uru nyime gi chiemo maber kaka ne deyewa gi kwerewa opuonjowa dipoka waringo thoth tuoche matinde ng’eny magalagala gi

    Erouru kamano ahinya ne duoko magu kuom ndikona mar tedo alot dek.

  7. nyakwar amesa nyonyango

    alot susa, apoth nyaka obwolo bende nyiswa kaka itedo. an nyarkarachuonyo nyakwar amesa nyonyango

  8. ONYANGO GEORGE ODUONG'O

    Amor ahinya kuom puonj mag tedo, tedo maber emano miyo joluo teko mar goyo mweche kane gia epiny mar Sudan. Omera dek monyong’ nyong’a mana kamoo monyong’o dek. An Iringa Tanzania.

  9. ombori wycliffe

    Yaye jokenya yawa umiya miluma nono kaparo kaka dawa ne tedonwa alot dek yaani we acha tu, umiyo apango wuoth abiro dala mondo achamie alot dek tu.

Leave a Reply

Your email address will not be published. Required fields are marked *