Jakonyanam, wach woudh Jarabuon e piny luo ni omiyo jomoko paro diriyo.
Woud Othaya opak rwak kod kado manyar Gem chi Raila oloso ne kod ngege moa Yimbo-Usenge
Ker mar Luo Riaga to kwayo mondo wang’ni JORABUON owene Raila kom maduong’.
Woud Othaya to ong’iso Joluo mondo ochak pur opith Africa.
Wechegi ok nyien, nene TJ Mboya kod Jaramogi Oginga Odinga nene ose wacho chon, ma Kibaki kod Kenyatta gini ema ne gitamo luo mondo kik dongre.
Ber mondo Joluo ochak puonjo nyinddwa sigana mag JOWA mane okelo ohuru nimar sani nyithindo minyuolo sani okie ni TJ Mboya en nga’ kata mana ni Adala Otuko en nga.
Omiyo Jakonyanam yie opar uru diriyo.
Ogandni mag luo sani onge kod lony weche mag sigand luo.
Mogik, Raila ema pod wakony uru to kik wi wu wil lweny pod pek, nimar Jaluo pod odenyo, kendo gin mana jotich mag mwache e pinywa.
Jadolo Okoth Otura
– – –
From: ndebele okoth
Date: Jul 26, 2009 9:02 PM
Subject: KIBAKI WOUD OTHAYA OYUDHO KADO KA RAILA WOUD ODINGA
Stop living in filthy slums in the cities/towns of Kenya and “Rudi Mashambani”. Land is where wealth is found. World wars are fought over land and the riches it contains.
JOLUO, PUR URU LOWO!
Sani gik moko duto te ma Jo-Luo timo onego obed gi chenro mar loso dongruok mar thurwa Ka-Luo. Riwruok e teko! Pogruok ema waweuru. Sani koro onego wachak pidho olembe kod oganda ma Dho-Ngere luongo ni French Beans, mondo waikre ne tiyo gi paw ndege ma koro piny owacho gero Kisumo kanyono. Onego wariwre mondo wager udi mag baraf (cooling plants) e dho wedhe duto moluoro Nam Lolwe, mondo rech kik kethre. Rech koro sani onego waikre mar kowo loka ka watiyo gi paw ndegeno. Onego wariwre wang’iew tingni mag ywayo niang’ mondo okonywa e tich mar ywayo niang’ ka watero e faktori. Wapidhuru gwen mag nya-Luo, to nyaka mag giredi mondo wayud chiemo e piny Luo. Jotendwa ma MPs bende wakwayo, gi luor duto ma owinjore kodgi, ni giwe medo dhier e yor wach mar “GONYA”. Onego giduto gibed piny to giyud yo ma ginyalo kelogo konyruok ei oganda Luo. Kik giket His Excellency the Right Honourable Prime Minister Raila Amolo Odinga Owadg’Akinyi, ma bende samoro wapako ni “Ru Rwath e Mewone”, gi tich matek mar gero Nairobi kendo duogo gero Ka-Luo. Anyang’ Ngire Maduong’, Olago Okil Kamaloka, Orengo Ajimi, MP ma Karachuonyo, un aneno ka udhi maber. To jomiel moko moa Nyanza to olal kure, to thum koreka ochakore, yawa?